زنجيل ابوذية للشاعر محمد رحيمة الطائي

عشرتك روحي صدك ما تملها.
وكلبي ايام سعدك ماتملها.
اريد انصب لروحي مأتم الهه.
واشوفك هم تجي وتبجي علية.
لومرة تمر مثل الشماتة.
وانا النحرك والك يا اسمر شماتة.
علي مغرور كالولي بشماتة.
صحيح بشامتك تنغر علية.
لو تذكر رباي وياك والعن.
ولا تنغر على الي بيك والعن.
فرضنا لو اسبك حيل والعن.
هم بغيض وك تزعل علية.
لو تعرفني احبك و اشتمنك.
ولأن منطي للواشي واشتمنك.
اريد اليوم احضنك واشتمنك.
واشوفك هم تذب روحك علية.
لو رأسا تكلي ارجوك هدنة. وتعاركني وتريد انوب هدنة.
والك والله العشك وياك هدنة.
مريض اني تعال اسأل علية.
وشوف اشلون حالي من تسلني. ولكن سيف صدك من تسلني.
الدمع يغلب جوابي من تسلني. اضحك بالجذب غصبا علية.
لان ما اريد اشوفك يوم حزني.وادري بسيف هجرك والك حزني. انت كلبك وحدك الي حازني.
وحيازة و حمل سلمتك بدية.