نكات عراقية روعة

4) أبو خالد سمع الناس تحچي بالإنتخابات.. گال: آني إذا ترشح علاوي أنتخبه.. لأنه (من وره) كل علاوي يجي كل الخير.
ة 5) الرئيس القائد الفلته.بمرة جمع القيادة.. گللهم: راح نسوي إنتخابات ، بس اللي يرشح نفسه لازم إسمه يبدأ بحرف صاد وينتهي بحرف ميم... گام عزت گال: آني سيدي.. گلله:شلون ولك إنته؟ گلله: سيدي مو إنته مرة من ردت احچي بالإجتماع گتلي: إنچب صرم.
6) دليمي راكب بهليكوبتر... گال للكابتن: بروح أبوك ماتطفينه المروحه الفوك.. تراهه بردت شويه.
7) كردي سمع إنه أهل الفلوجه مسويلهم چم عمليه.. گال: شنو يعني؟؟ صباح اللبنانيه وحدهه مسويه عمليات أكثر منهم.
واحد راح يشتري دوه لأبوه من الصيدلية، رجع لگاه ميت، گال: شوف السخيف.
9) بدوي بأمريكا شاف بعير گال: يمه شنو هالوحش !! التفت له البعير وگلله: علينا يا گطران؟
10) دليمي هوه ومرته إجه يمهم صاروخ، صاح بمرته: إنبطحي ولچ!! گالتله: هوه هسه وكتهه؟
11) لبناني تعرف على وحده صينيه، گاللها: شو إسمك؟؟ گالت: مي ـ شان ـ شو.. گال: ميشان نتعرف.
12) حرامي كمشته وحده سمينه حيل، نامت عليه وگلت لزوجهه: بسرعه .. خابر الشرطه .. گاللها زوجها: هوه شگد الرقم؟؟ گلله الحرامي: 111 بسرعه يمعود.
13) ابو بريص سكران يگل لصاحبه: والله لوما الشرب والنسوان جان هسة اني باقي تمساح.
14) شايب عمره 90 سنة، اتزوج بنية عمرهه 15 سنة ، بليلة الدخلة سألها: بابه انتي تعرفين شيسوون من يتزوجون؟؟ گالت له: لع، راح ليغاد .. صفن.. گام يحچي ويه نفسه: هاي اشلون ورطة؟؟ البنية متعرف وآني نسيت!!
16) سايق (كيّا)، ماخذ حباية فياغرا، وگفته وحده، گالتله : وين واصل ؟؟؟ گلهه: للدعاميه.
17) سألوا دليمي: انته اتدخن ؟؟؟ گلهم: والله من امشي ما اباوع ورايه.
18) كردي لگه كنز.. گال: بقت بس الخريطه.
19) محشش خابر الشرطة، گاللهم: انباگ الدشبول والستيرن مال سيارتي.. وره شويه خابرهم گاللهم: العفو شباب سامحوني ... جنت گاعد بالمقعد الخلفي.
20) كردي سمع انه الجزر يقوي النظر.. راح اشتره گونية جزر وگعد يتباوع عليهه.
21) واحد گال للبگال: عندك سكر؟؟ گال: نعم.. گال: الحگ ..الصليب الاحمر جايبيلكم خوش ادويه.
22) محشش فتح الثلاجه بشاف الجلي يرجف گلله: لا تخاف ما آكلك.. جيت اشرب مي بس.
23) مصري اشتغل حمله دار .. گال للحجاج: إزا شديتوا حيلكو معايه نرگع أبل العيد بإزن الله.
24) مصلاوي مات ابوه... گلله المغسلچي انطيني 1000 دينار مال الغسل. گال: إشدعوه؟؟ قابل مغسل بي أم ؟
25) واحد توّه گايم يصلي، راح للحسينية گاموا يتفيكون براسه واحد يگلله دنّي تربتك عليمنه واحد يگلله شويه عاليسره الى ان طگت روحه.. گاللهم: اگلكم.. تره هسه أبطل .. هيه صلاة لو ضربة جزاء؟
26) أكو فد گمل وگملايه ستوهم متزوجين گاللهه: وين تحبين تگضين شهر العسل؟؟ گالتله: يمدحون بشعر هيفاء وهبي.
27) وحده تگل لزوجها: جيراننا كل ما يطلع يبوس مرته، ليش ما تسوي مثله؟ گللهه: تعتقديهه توافق؟؟
28) مصلاوي واگف بالبلكونة... إبنه إجه من بعيد يصيح: بابا بابا بابا بابا... گاله: ولك .. ابن الكلب.. بابه وحده كافي.
29) مصلاوي مات... لگوا بوصيته مكتوب ( آني غاسل.. لا تغسّلوني ).
30) تلاثه من الناصريه رادوا يبوگون بنگ، فقسموهه بيناتهم: واحد يبوگ و واحد يراقب ........ وواحد يروح يبلغ الشرطة.
31) تاجر مخدرات كردي كتب على باب الگهوه مالته : يوجد لدينا طحين نقي جدا (من اللي بخبركم).
32) شيخ جامع من الناصريه قرريسوي محاضره للعميان عنوانهه: نعمة البصر.
34) جبان سمع صفارة الانذار، شرد.. گالوله: تره ديجربوهه گال: واني همينه دا اجرب الشرده.
35) (شجر كلو فلفل، نهر كلو فلفل، حور عين كلو فلفل) ... شيخ جامع بالهند يوصفلهم الجنه.
36) واحد احول ماشى بجنازة امه يصيح: آخ... ياويلي.. هم امي وهم خالتي .
37) بياع شرّه مال سيارات گالوله: المهر مال بتنه خمس ملايين، گال: مَيصرّف.. حصّلت وحده بمليون وحامل.
38) أحول تزوج على مرته... طلعت هيه نفسهه.
39) واحد باگ سياره.. راح يبيعهه انباگت منه.. گالوله: بيش بعتهه گال: بفلوسهه.
40) خروف خانته نعجة، وگف تكسي ... گلله اقرب مطعم باچه... أخره بهيچ حياة .
41) صرصر گاعد ويشتـّم بأهل تلكيف .. گالوله: ليش گال: ماظل واحد من العشيرة ماشفطوه.
42) واحد غابت روحه صاحوا الناس: جيبوله مي .. گال: ماكو سفن؟
43) جريده بالناصرية نشرت صورة واحد يعبّر فد أعمى الشارع، كتبوا جواهه (متى تنتهي هذه الظاهرة؟)
44) شيخ جامع ستوّه متخرج، گعد يخطب بجماعه: من عطس منكم عطسة ولم يتبعها بـ( الحمد لله) فهي باطلة.
45) كردي تزوج.. بليلة الدخلة گام بس يبوّس بمرته.. فاخيراً ضاجت، گالتله: شنو متريد شي من جوة؟ گاللهه: إي والله، جيبيلنا ببسي وجكاير.
46) واحد متدين صاحبته گللتله: أهلي ماهُمّه بالبيت، تعال يمي.. گاللهه: إذا خايفة أقري المعوذتين.
47) كردي ودة البغل للضريبة العامة.. شبعوه كتل...گال: والله عبالي الزريبة.
48) مصلاوية محششه تحچي ويه نفسها: آني أحب آكل برغل هوايه بس ما أدري آكل برغل يحبني لو لا؟
49) محشش گال للبگال: عندك جگاير كنت؟؟؟ گلله نعم.. گال: آني همينه.
50) دليمي قرة بالجريده إنه بالصين كل دقيقه ينولد طفل.. گال: هذا التطور، خو مو مثلنه كل 9 أشهر.
51) ثنين سكاره وگفهم شرطي المرور گال: شاربين؟؟ گالوا: لا.. گال: لعد ليش ثنيناتكم عيونكم حمر؟؟ گالوله: مو إحنه گرايب.
52) سكران گال لصاحبة: عبد الله معزوم يمي اليوم، گلله: والله؟ گلله إحتمال همينه يجي.
53) أحول يتحارش بوحده حوله گاللهه: اللي عاليمنه أحلى وحده.. ردت عليه : أما صدگ إنتو جوگه مال أدبسزيه.
54) محشش ضرب عمود ،إحولّ ...گام يسمع الواحد إثنين.
55) دليمي مخيم بالصحراء، دخل عليه واحد گلله: آني تعبان من الشمس.. گلله: تشرفنا ، وأني حمادي من الأرض.
56) كردي سأل صاحبه: هيه مصر بعيده؟؟ گلله: ما أعتقد، لأن المصري اللي بصف محلي يوميه يجي عالبايسكل.
57) كردي حزّر صاحبه، گلله: اذكرلي اسم حيوان برمائي.. گلله: تمساح.. گلله: بعد حيوان ثاني.. گلله: تمساح ثاني.
58) طالب بدوي، گلله المعلم: إذكرلي اربع حيوانات.. گلله: چلب وتلث بعران إستاد.
59) شاب دليمي، كامش بيده سيم وواگف براس الدربونه.. گالوله: ليش؟؟ گال حتى البنات تگول عني: شوفوا هذا ... شاب وسيم.
60) دليمي رايح للحج وماخذ وياه دودة گال: سمعت إنه الحج أيام معدودة.
61) واحد من المنصور أبوه هداله كتاب ديني.. رجع ورة إسبوع لگاه متحجب.
62) سوداني سجل بمدرسة مسائي، كلما ينطفي الضوه يضحك.. حتى لايسجلوه غايب.
63) واحد أفرار من الجيش گطعوله آذاناته، گام يكثر من أكل الجزر.. گالوله: ليش؟؟ گال: إذا ضعف نظري وين أعلگ النظارات؟
64) واحد راح يخطب بنيه ، أبوهه سأله: إنته تدخن؟؟ گلله: لا، بس مرات من أسكر ويه البنات بگعدات القمار أجرلي چم جگارة حشيشه.
65) بدويه بمحو الأميه.. گللتلهه المعلمه: أريد جملة فيها (إدغامٌ بـِغـُنـّة) گالتلهه :عمن يعميچ.
66) واحد.. الفگر ثاوله.. ضحك للدنيه تفلت بوجهه.
67) واحد يشتغل بالمعارض مال البياع، إجاه مولود گال للممرضه: الله عليچ لاتغسليه، خللي بترابه.
68) أكراد زوّروا أبو العشرتالاف كشفوهم شلون؟ لأن كاتبين عليه: أم عشرة ألف.
69) بإنفجار مقر الأمم المتحدة ببغداد راح كردي يدور على صديقه، فوگف يم واحد صيني متمدد عالسديه ويصيح (شن شان شو شي شا...) گال الكردي يمكن ديوصي خللي أكتب الوصيه... فلما مات الصيني أجوي يقرون الوصيه لگوا الترجمه تعني( ولك وخر رجلك عن صوندة الأوكسجين تره راح أختنگ وأموت).
70) كردي راح يصلي بالصحن مالت النجف ، طبت جنازه، گال: إيه.. يمكن أجه العشة.
71) واحد صعد بتكسي، گال للسايق: نادي الشباب من رخصتك گلله: متناديهم أنته ليش آني أشتغل عد الخلفوك؟
72) دليمي نغمة موبايلة صوت فناجين، يگول موبيدي .. من زود المرجلة.
73) وحده گلت لرجلهه: تره هذا الولد يأشرلي.. گلله لاتوكفيله .. دوسيلها.
74) حرامي نجح إبنه، گلله: إبني شنو رايك بسيارة الجيران؟
75) غنام، بليلة الدخله ما لگه موضوع يحچي بيه، گال للعروسه:ماعندچ علم إذا أكو طليان للبيع منا؟ مناك؟؟
76) واحد بالمطار كمشوا عنده بودرة بيضه.. گالوله: شنو هذي هيرويين؟؟ گال: لا هذي جمرة خبيثة، الهيرويين هنا بهذا الجيب.
77) أحول لگه فردة نعال گال: شلون صدفه؟ كلما ألگه زوج نعل يطلعن متشابهات.. ؟
78) واحد طلگ مرته، راحت اتلم هدومهه.. گلهه:أگول.. أشو مثل الچنچ زعلانه؟
79) واحد تعارك ويه مرته، گطفهه من الشباچ، وكعت بالشارع، شافهه فد سكران، گام باسهه.. هيه هم باسته.. السكران صفن... گال: عجيب، بعدهه تشتغل ليش ذابيهه؟
80) واحد سمع المعلق يگول: فاول..فاول لصالح رونالدو.. گال شنو أسـلَمْ ؟ صاحبه گلله:لا ، أعتقد هذا إبنه من المصرية.
81) الصوماليين رجعوا شاحنات المساعدات مال الأدويه للكويت.. گالوا شنسوي بيهه إذا كلهه وره الأكل؟؟
82) دليمي قدم على وظيفه گالوله: شنو شهادتك گال: ابتدائية، وأعرف واحد يدرس بالصناعة.
83) وحده گلت لرجلهه: انته ليش إسلوبك ويايه حقير، گلهه على طاري الحقاره... شأخبار أهلچ؟
84) كردي سألوه شنو رأيك بالزواج المبكر ؟ گال:والله كلما من غبشه أحسن.
85) قاضي بالناصرية حكم على أحول يلظم أبر خياط مؤبد.
86) واحد من المنصور دزه أبوه يشتري طلي، راح جاب واحد كلش ضعيف، گلله أبوه: بابا ليش جبته ضعيف؟ گلله بابا ماعليك بالجسم، شوف العيون!!
87) مدرس سأل طالب كردي گلله :إبني شتصير من تكبر؟ گلله: شايب إستاد.
88) واحد مالگه موضوع ، سأل صاحبه: أبوك الله يرحمه أشو من مات ليهسه ماسمعناله خبر؟
89) ثنين سكارى، واحد منهم عثر گال: بسم الله.. الثاني گلله شلون تگول هيچي؟؟ إحنه مو كفار؟؟ گللـه: إي صدگ.. لعد أستغفر الله.
90) وحده مستويه، گالت لواحد: بوسني.. گاللهه: لا دليمي.
91) مصلاوي مات وخلف 24 ولد و 2650 دينار... لكوه كاتب بالوصية: إشتروا بيهن صندوگ بيبسي وتقاسموه بيناتكم .
92) دليمي گال لأبوه: يابه أريد أدرس برّه.. گال له: خللي أمك تفرشلك بالطرمة. 93) دليمي اشتره لإبنه شبح، گال له: مشي بيهه حالك لما أحصللك لادا زينه.
94) دليمي گال لمرته: اليوم أريد منّچ رومانسيات، خابرت لأمه سألتهه: شنو رومانسيات؟؟ گلتلهه: والله يمه ما أعرف، بس للإحتياط نگعي الباكلله وإسلگي اللحم.
95) عشرة أكراد خطفوا طياره فارغه واتصلوا بالحكومه: إذا ماتنفذون مطالبنا تره كل ساعه نقتل واحد مننا.
96) عجمي عطس يم مصري ، ترس وجهه تفال، المصري گاله : أنته أرفتني، الكردي رد: والله ..يمكن أأرفك بس ناسيك؟
97) واحد أبوه دجال، سأله المعلم: شنو أدوات النصب.؟ جاوبه: لحية وسبحه 101 إستاد.
98) دليمي راح يحلل بوله، گالتله الممرضه: بولك سكر، جاوبهه: إنتي اللي خراچ عسل.
99) كردي راح لطبيب أمراض زهرية.. گلله: دكتور... زهري يوجعني.
100) كردي فاتته التاتا.... لحگهه بتكسي.
101) گصاب مات.. شيعوه الچلاب.
102) مدير نادي تأهيل المعوقين من الناصرية، أول ماتعين گاللهم: حضروا حالكم.. باچر عدكم سباق طفرموانع.
103) واحد ديتعرف على بنيه.. گلهه تشربين؟ گالت: لا.. زين تدخنين؟.. هم لا ، عندچ علاقات؟ لا.. گال : معقوله ؟؟ گالت: ملليت من هالشغلات.
104) واحد گال لصاحبه: تكتم السر؟؟ گلله: سرك اببير.. گلله: زين تداينني چم فلس؟.. گلله: شوف؟ ولا چني سمعت.
105) وحدة گالت لزوجها: أربطني بالسرير وسوي اللي نفسك بيه .. ربطها بالسرير وراح نام ويه صاحبته.
106) وحدة إبنهه ضاع منهه بالسوگ، گامت تبجي.. گالولهه: إذا إبن حلال ميضيع.. گالت: ياويلي!! راح الولد.
107) أبو معرض سيارات بالبياع..سألوه: منو أفضل المطربين بنظرك؟ گال : مايكل داتسون و مازدا الرومي.
108) واحد سأل صاحبه. : شنو اخبار الوالد؟؟ بعدين تذكر انو والده ميت فكمل بسرعة: بعده بنفس المگبرة ؟؟
109) كردي احترگ محله ، گالوله : خو ماخسرت هواية؟؟ گال :لا.. الحمد لله چنت مسوي تنزيلات.
110) واحد صادقله مخلوق فضائي، گلله: صدگ الدقيقة عدكم بمليون سنه عدنه؟؟ گلله أي، گلله: زين وصدگ الدينار عدكم بمليون عدنه؟؟ گلله: هم أي.. گلله: زين ماتنطيني فد دينار.. گلله: انتظر فد دقيقة.
111) حشاش راح للبنزينخانه گللهم: أريد قنينة غاز.. گالوله: روح جيب وحده فارغة.. گال:لا ..أشربهه هنانه.
112) مخنث بالصحراء يندعي: يا إلهي اريد مي، حته لو قطره،هناك نزلت عليه قطره گام بلل بيهه گذلته .
113) نعجه بالسجن سألوها: ها؟ همينه دعاره؟ گالت: لا ...هالمرة كمشوا عندي حشيش.
114) دليمي سمع عن جمع تبرعات لمستشفى الأمراض الصدرية ... تبرع بألف ستيان.
115) كردي سألوه شتحب اتصير بالمستقبل گال: خبير روسي.
116) سكران وگع من الطابق العاشر گام يندعي: يا إلهي آخر مره.. يا إلهي آخر مرة، وگع على كومة قش، گام گال: صدگ السكران تجي براسه شغلات.
117) كردي مات أبوه گال للدفان: بيش أرخص گبر؟؟ گلله: بالميت تسعين ألف.. گلله : زين وإذا الميت من عدنه؟
118) كردي راح للدكتور گلله: دكتور عندي مغص قوي.. گلله الدكتور: طيب إنته ماكل شي ؟ گلله: شنو دكتور قابل أريد أجربك؟
119) مصلاوي گال لولده: اللي مايتعشه اليوم انطيه ألف.. گاموا كلهم ماتعشوا وأخذوا ألف ألف... بالليل گام باگ فوسهم ، الصبح گاللهم: اللي مضيع الألف مالته ميتريگ اليوم .
120) دليمي راد يطور الموبايل گآم حط بدال الدگم سحابة.
121) واحد ناصرية جبروه يتبرع بربع راتبه لدعم الانتفاضة، گام تبرع بالباقي لأسرائيل.
122) يگولون بوش الأب چان ينيم إبنه (الرئيس الحالي)من چان ازغير ويغنيله: يللا ننام يللا ننام.... باچر أذبحلك صدام.
123) سكران عثر ووگع، گالوله جماعته : همزين إجت سلامات.. گال: شجابهه بهالليل يم السكاره؟
124) ياباني بالسماوة.. راح يشتري عشر قواطي كولا، گال لأبو المحل : توكو هاتاهو توياكا كولا.. گلله ابو المحل: عشر قواطي شنو؟؟؟؟
125) ناصريه شاف واحد يصيح: راح أغرگ الحگلي يمعود ... گاله: أخي هذا يومك وهذي إرادة رب العالمين... تعذرني.
126) دكتورگال لمريض: مع الأسف ماباقيلك غير عشرة وتموت.. گاله المريض: عشرة شنو؟؟ أيام.. أسابيع شهور ؟؟ رد عليه الطبيب : تسعه....ثمانية.... سبعة.....
127) كنغر سأل مرته: وين الولد؟ گالتله هذا بجيبي.. گالهه لا والله جديات..مو وكت شقه، وينه؟
128) عتوي لحگ بزونه ، شردت منه فسحگتهه سيارة.. إجه يم راسهه گاللهه: هسه خللي شرفچ يفيدچ.
129) واحد سأل صاحبة: گللي البواسير بالسين لو بالصاد؟.. گلله: بالطيز.
130) دليمي سأل أبو الصيدلية: متگللي شنو الفياغرا الخابصينه بيهه؟ گاله : حباية تخليك تسوي مرتين ..تلاثة.. أربعة باليوم .. گلله : آها.. گول مهديء وريحنا.
131) واحد راح للشيخ يسأله، گلله: شيخنا ..عندي جن بالبيت شسويله؟ گلله حطله عصير ليمون وإندعيلي.
132) سألوا واحد: شلونك ويه رمضان هالسنه؟ گال: والله لوما الوضوء چان متنه من العطش.
133) سكير صلى العصر ركعتين گالوله: تره العصر اربعه.. گال: أعرف بس جاي أخفف لأن ناوي أترك .
134) هندي تعارك ويه واحد عراقي راد يگلله : ابن الگحبة ، مادبرهه ... گلله: انته سوا سوا صدام .. ماما واحد .. بابا كتير.
135) سوداني راح يشتري جگاير، گال لأبو المحل: كنت أبيض... گلله أبو المحل: لو تحلفلي بمية يمين هم ماصدگك.
136) سكير سأل شيخ جامع، گلله: صحيح الصلاة ماتصير إذا الواحد شارب؟ گلله: طبعا.. گلله: شنو رأيك سويتها وصارت؟
137) بزونه زغيره سألت أمهه: ماما منو أبويه؟ گللتلهه والله بنتي ما أعرف ساعتها چنت ماده راسي بتنكة الزبل.
138) كردي سوري گل لمرته الدليمية : بدي (أصير) جوز هند.. گللتله: لازم تطلكني يالله... گام طللكهه وشرب العصير.
139) واحد راح يشتري ستلايت گال لابو المحل: ماعندي فلوس ، توافق إذا انطيك بدال الستلايت موبايلي ؟؟.. أبو المحل وافق.. گام صاحبنه گلله: إكتب يمك صفر سبعة تسعه مكرر واحد مكرر سبعة.
140) أخطبوط يبچي.. گالوله ليش ؟ گال لأن ما أندل إيديّه من رجليّه.
141) سكران گعد الصبح سأل مرته: گلليلي الواير مال گلوب التواليت متدندل عالباب؟ أشو أفتحهه يفتح، أسدهه ينطفي؟؟ گالتله : لا.. گلهه لعد بلت بالثلاجه.
142) لبناني تزوج كردية: گاللهه: صحيني بكير وقليلي بيضتين... هيه همينه الصبح گللتله: إكعد... بيضتين.
143) محشش سألوه: بيش الساعه؟ گال:هاه؟ كالوله: بيش الساعه؟ گال: آها.
144) كردي وده إبنه لمدرسة المتميزين، گللهم جبتله لعبة مكتوب عليهه 3 إلى 9 سنوات بس هوه ماشاء الله حلهه بسبع تشهر.
145) ثنين هنود حمر گاعدين عالجبل يتناقشون، الاول گال: والله الأمريكان يسمون أسماء غريبه.. جورج .. باتريك .. جون؟؟ الثاني گلله: كلامك مضبوط ياعزيزي (طيز الدب).
146) واحد تعارك ويه دليمي، گام يفشر: إبن الكحبة.. روح شوف أمك بيا حضن؟...هذا همينه أخُذ المسدس وروح لأمك.. لگاهه بحضن أبوه.. گال له: مع الأسف.. توقعتهه من كل الناس ..ألا منك ..
. طاخ.
147) فلسطيني كردي راح لمكة... شاف الناس تشمر حجار... گام جاب تاير وحرگه .
148) واحد دزته أمه على أوتي من جيرانهم..نزل اول درجه گال:هسه راح تگللي دير بالك عليه..ثاني درجه گال: بعدين حتگللي رجعه بسرعه... الثالثه گال: وراهه راح تگللي مو تنسوه معلوگ... وصل دگ الباب، فتحتهه..؟ گلهه: شوفي.. خرة بيچ وبالأوتي مالتچ.
149) وحده تحچي ويه روحهه: إذا ما إجت هالشهر راح آكل تبن... سمعتهه صاحبتهه گالتلهه: شنو هيه؟ ورقة الراتب؟ گالتلهه لا.... العادة.
150) واحد سأل صيدلي كردي.. گلله: عندك دوة مال صراصر؟ گلله خير شبيهن؟
151) كردية رادت تگتل رجلهه.... حطتله مسدس بالشوربة.
152) واحد گاعد بالطيارة يم جيمس بوند بس مايعرفه... سأله شسمك ؟ گال له : بوند ... جيمس بوند.. و أنت شسمك ؟ گال له : هيم.....إبراهيم.
153) واحد گال لأبو المطعم: عندك أجنحه؟ گلله : إي .. گلله لعد أريدك تروح طاير وتجيبلي نفر كباب.
154) وحده طلبت الطلاگ من رجلهه، گللهه القاضي: ليش؟ گالت: لأنه زمال وكلشي ميدبر، گاللهه: وإنتي من تزوجتيه ماچنتي تعرفين بيه هيچ؟.. گللتله: لا ماچنت أعرف.. هنا گال له رجلهه: لا والله سيدي تعرف... زين تعرف.
155) دليمي گل لصاحبه: سمعت بهذا اللي وگع من عمارة عاليه و3 أيام يالله وصل للگاع؟ گلله: ومات؟؟ گلله: شوف هذا الغبي يگللي مات..أگلله3 أيام لا أكل ولا شرب عجل شلون مايموت؟
156) كردي ماشي بشارع، شاف محل مصبوغ ستوّه ومكتوب عالحايط (إحذر الدهان)...أخذله صفنه... بعدين گال: أها ....أحمر.
157) كردي رادوا يعدموه بالغاز حطوه بغرفه سگفها مفتوح... كيّف، گال: أييه ما أعتقد راح أختنگ...وره شويه ذبوا عليه من فوگ عشرين قنينة غاز.
158) ولد گال لابوه: بابا .. اليوم اخذت عشره, گلله ابوه: عفيه وليدي.. رد الولد: بس من جزدانك يابه.
159) وحدة راحت تشتري لابنها جنطه.. گالت لأبو المحل عندك جنطه لإبني بصف السادس گلهه: إي غير أعرف بأي شعبة؟
160) توأم شاف أخوه، گلله: وينك يمعود ..؟ مو أهلي طهروني مرتين.
161) كردي سمع كلمن يموت بساعته.... گام كسرهه.
162) أحول طلع من السينما فرحان... شايف الفلم مرتين.
163) معلم يدرس أكراد... يكتب وهمه يكتبون وراه... مسح السبورة، گاموا كلهم مسحوا الدفاتر.
164) فلاح مربّي أرانب بالمزرعه مالته، كل يوم ياكلن 20 كيلو جزر.. آخر شي ضاج گام شلع سنونهن... إجه وره يوم شاف الجزر خلصان.. گاللهم: وين الجزر؟؟ گالوله: ثويناه عثير وثربناه.
165) واحد گل لصاحبة: ماظلت وحدة بنفسي من البنات ماخلليتهه تركض ورايه.. گلله صاحبه: شچنت تسويلهن؟؟ گلله: أبوگ جنطهن...
166) هالمرة صاحبه گلله: لعد آني يسموني منشف ريگ البنات... گلله: شلون؟؟ گلله: من كثر مايتفلن عليه.
167) واحد ناصريه ديموت.. بآخر نفس ويوصي ولده بالخباثة... أخير شي راد يتشاهد، گام الزغير سد حلگه.
168) كردي راح ضيف يم شيخ الدليم.. صاح الشخ: جيبوله دليمية.. الكردي كيّف... گال: أي والله... صار مدة ما متونس.
169) كردي صار شيعي... گالوله: لازم تصلي عالتربة.... گال: أللهم صلي عليها وسلم.
170) جحش گال لصاحبته: كل أمنيتي أكبر وأصير زمال وأجي أخطبچ من أهلچ.
171) كردي عالبحر مغمض ويغني.. گالوله: الظاهر إنته منسجم؟؟ گال : لا .. من كلار.
172) واحد ترك الصلاة أيام الإمتحانات.. گال: أريد أعتمد على نفسي.
173) شباب من الناصرية أبوهم إشترالهم شبح، طلعوا بسفره ... هوه ومرته بالكوريللا وهُمّه بالشبح... مروا من يمه يغنون: هيه.. هيه.. بابا راكب بالكُوريللا... وراكبه يمّه الغوريللا.
174) واحد گعدته أمه لصلاة الجمعه.... گلهه: ما أروح للجامع اليوم .... راح ينقلوهه مباشر.
175) واحد من الناصرية إسمه رزق الله.... صار عنده ولد سماه گاطع.
176) دليمي طلع من السينما... گالوله: شلونه الفلم؟؟ گال: ليش هوه آني لحگت أسلم عالگاعدين حتى أشوف الفلم؟؟
177) مصلاوي طاح من السطح.. هوه وواگع مر على شباچ المطبخ.. گل لمرته: لتحسبين حسابي عالعشه.
178) حكم كرة قدم مر من يم جامع... سمع الشيخ يگول: الله هو الغالب، الله واحد... گال: لعد ذولاك أكيد صفر.
179) وحده شردت من أهلهه... ركبت تكسي... گاللهه: وين ترحين؟؟ گالتله: آني لأهلي ماگلتلهم.. أگللك إلك؟؟
180) دليمي دز لمرته ثريات ثنين كرستال... خابرهه: شنو رأيج بيهن؟؟ گالتله: حلوات حيل... بس مو شويه كبار على الإذانات.
181) إيراني تزوج يابانيه..... صار عدهم ولد سموه: آية الله سوزوكي.
182) كردي راد يشتغل تاجر بالشورجه... گالوله إشگده راسمالك؟؟ گال إبگد الجوزايه.
183) مصلاوي بنه بيت... كتب عالباب: (ع) الحسود بيهه (أ) عود.
184) محشش صاحبته عدهه شامه فوگ عينهه.... يگللهه: أموت على الـ(غ) مالتچ.
185) واحد إعجوزچي، صار بيه شلل ،كيّف ... گال : ما أگدر أوصفلكم شعوري خاف أگوم أمشي من الفرح .
186) كردي إجه يدخل للبار، شاف مكتوب: ممنوع الدخول دون 18..... راح جاب 17 واحد وياه .
187) إحول إنطخ راسه بالحايط، صاح: آخ رجلي.
188) كردي گالوله: إذا تريد تصارح صاحبتك.. إشمر عليهه وردة... رجع گاللهم: ماتت... نسيت أشيل الورده من المزهرية.
189) دكتور مال حولان، همينه أحول... إجاه مراجع گلله إدخلوا واحد واحد مو ثنينكم سوه... گلله ماجاي إلك جاي للطبيب اليمّك.
190) دليمي إحترگ بيته... إجوا الأطفاء.. گللهم: بالحرام، ماتطفونهه إلا إتعشّون.
191) أصلع مات أبوه.... هلّس شعر رجليه.
192) صرصر كاشخ عل آخر... وگف تكسي ... گلله: بلوعة الشيراتون من فضلك.
193) واحد كتل أمه وأبوه.. گل للحاكم: شكيت بيناتهم علاقة جنسية.
194) صرصر إنتحاري... فجر نفسه بمعمل الـ(بف باف).
195) مصلاوي راح للناصرية... گاموا وين مايشوفوه يمزگون فلوس گدامه.
196) واحد گل للإمام: آني شفت فلم سكسي... شلون أستغفر؟؟ گلله: كفارتك تتفرج على قناة السودان 3 أشهر.
197) وحدة وگعت بالدرج.. إنفصخت رجلهه.. انطاهه الطبيب مرهم، گللهه حطيه على مكان الوگعه.... راحت حطته عالدرج.
198) عتوي مضوج بزازين المنطقه.. جابوله بزون شبعه كتل... گلله شلون گدرتلي وآني أقوه بزون بالدربونه؟؟ گلله لأن آني چنت أسد بالصومال بس من المجاعه إنگلبت بزون.
199) واحد من سوگ مريدي... إشتره حليب طلع إكسباير... گام زور التاريخ مالته وشربه.
200) وحده رجلهه بالخارج.. خابرته گللتله: إشتريت سياره شبح.. گلهه: إبشرفچ؟؟ گللتله: لا لعد بالورقه مالتك اللي تدزلياهه كل تلث تشهر؟
201) شروگي الله رزقه بعماره.... إشتغل بيهه حارس.
202) طسه بشارع بالسليمانية..... كاتبين وراهه : أنتبه !! ورائك مطب.
203) جرادة سكرت......... إكلت الأخضر واليابس.
204) جرادة انعمت عمى ألوان ...... أكلت الأحمر واليابس.
205) واحد لابس جواريب خضر... لأن خضر لبس جواريبه.
206) عجوز شافت مراية مشموره بالشارع.. شالتهه وتباوعت بيهه.. گالت: آها.. أگول ليش ذابيهه.
207) كردي دخل فندق خمس نجوم، راد يروح للتواليت.. شاور الموظفه: وين التواليت رجاءاً؟.. گالتله :اها.. التواليت؟.. إسأل بالجهه الثانيه، راح إلها من اذانها الثانيه وشاورها: العفو.. وين التواليت رجاءا؟
208) كردي لازم فردة حذاء ويعامل أبو المحل: كاكا بيش هاي الحذاء؟ كال له: بسبعتالاف.. كال له: زين واذا اخذنا الفردتين متنزللنه شويه من السعر؟
209) كردي شاف واحد غرگان ويصيح: ياناس ياعالم ما أعرف أسبح.. گال له: عبالك بالصياح تگدر تتعلم سباحه؟ لا بابه لا..عافه وراح.
210) كردي دعمته سياره، سأله المحقق(هم كردي )شگد رقمهه؟ گال: 2499 گال له المحقق: أها.. يعني گول 2500
211) كردي گال لابو الصيدليه: أريد فد مرهم لابني الزغير.. الصيدلي گال له: واني اشتم گفه إيدي؟ غير تگوللي شسمه؟.. كال له: اها… خادمك آزاد.
212) دليمي سأله صاحبه: مالگيتلك مصري يساعدك؟ گال له: والله لگيت سوداني شغلته مصري عندي.
213) طلي زغير يسأل أمه: مااااا.. وين بااااا؟ گالتله: باااااا مباااااااع
214) واحد گعد يندعي بليلة القدر راد يگول: ياإلهي.. متسويني مثل إبن (خربيط) .. بالغلط گال ياإلهي متسويني مثل إبن (خريـبط).. گعد الصبح لگه بباب البيت عربانه أم الزمال.
215) حشاش گال لبو التكسي: توديني وين؟ وادفعلك شگد؟.. أبو التكسي هم محشش.. گال له أنزل هنا وإدفع شگد ما يعجبك.
216) واحد مصادقله مصري.. گال له: تدري الحياة كلهه مآسي ؟ المصري گال له: ليه..هوه مآسك كام؟
217) دليمي عنده بواسير.. راح للدكتور ..گال له: دكتور مروتك..أريدك تحط كل خبرتك (بـطيزي).
218) عجايز تلاثه رادن يتزوجن.. كتبن إعلان (تزوج واحده.. وأحصل على إثنتين مجانا).
219) واحد (مخنث) قدم على كلية الشرطه .. گالوله بأي قسم تريد؟ گال: قسم (الأعيره الناريه).
220) صرصر مرته زعلت وراحت يم أهلهه.. راح يصالحه گالتله: ما أرجع إلا تسجل البلوعه بأسمي.
221) بطل بيبسي يبچي.. يگول: ليش السفن أبيض مني؟
222) دليمي كل مرة يطبگ باب الثلاجه على كيف .. گالوله ليش؟.. گال: أريد أعرف منو يطفي الضوه جوه؟
223) واحد راح للطبيب گال له: دكتور عندي حالة نسيان شديد.. گال له الطبيب : ومن إشوكت عندك هذي الحاله؟ .. گال له: ياحاله دكتور؟
224) دليم تلاثه أخذوا مقـاولة مد الكيبل الضوئي من بغداد للرمادي وقسموا العمل بيناتهم واحد يحفر وواحد يمد الكيبل والثالث يدفن..غاب اللي عليه شغلة مد الكيبل.. الجماعه إستمروا واحد يحفر وواحد يدفن.
225) گالوا لسعدي الحلي: منو أشعر شعراء العرب برأيك؟ گال : بدون تردد... الخمســـــــــاء.
226) واحد گال للحلاق: تره صارلي ساعتين هنا، الحلاق كردي ..گال له: شنو يعني؟ اني صارلي سنتين ها.
227) وحدة سمينه حيل، أشّرت لأبو الربل(عربانة أم الحصان)، گال لهه: يلله اصعدي بسرعه لا يشوفچ الحصان.
228) احول دخل بالجيش ... حطوه بقسم القصف العشوائي.
229) تاجر مصلاوي شاف روحه يوزع فلوس بالحلم، صحه من النوم گال التوبه إذا أنام بعد.
231) واحد غبي تزوج وحده اغبى منه، صار عدهم ولد .. يلعبوه يگولوله: أغغغغغ ... يگلهم: هاه؟؟
232) كردي گام يطفي الضوه لگاه محروگ.
233) شيخ عشيره حچه نكته... واحد كردي من الگاعدين بالمضيف عجبتة النكتة وضحك .. وگال : خره بعرضك إمحفوظ على هالنكته.
234) بدوى اول مرة يشوف فلبيني گال: هنياله شبعان نوم.
235) وحده تعرفت على كردي سألته: شسمك گالها: إسمي يبدأ بحرف الزاء گالتله: أكيد زهير گالها : لا گالتله: زكي گالها : لا گالتله: لعد زامل گالها : لا.... (زافــر).
236) هلمرة الكردي سألهه وانتي شسمچ..هيه إسمهه (قمر) فرادت إتفيك براسه گالتله إسمي على إسم شي يطلع بس بالليل ويبدي بحرف القاف گاللها:أها.. عرفته...... قحبة.
237) واحد ناصرية سمع أكو مجاعة بأفريقيه ،گام دگ رقم لاعلى التعيين بالصومال، وتدريع وسد السماعة .
238) دليمي عمره 8 سنوات يسوق سيارة ، سالوه منينلك؟ گال: كتبت لأبويه ويه القرطاسيه مقطاطه أم السياره، جابليّاهه ويه المقطاطة.
239) مصلاوي ربط حبه فياجرا بخيط وبلعها، لما خلص سحبها.
240) واحد گال لخطيبته: إشچانوا يدلعوچ وانتي زغيرة؟ گالتله: ميمي ... وانته؟ گاللهه: ابو خنـّينه.
241) كردي ضيع مفتاح سيارته اجوي الناس يساعدوه، فتحوله باب السياره بالدرنفيس، گام سوه نسخة من الدرنفيس.
242) دكتور كسور وعظام كلما يطلع بالليل تلحگه الچلاب.
243) واحد ناصريه سكن بالنجف، يوميه يإخذ المسجل مالته ويروح للمگبره، يفتر بين الگبور إمعلـّي صوت المسجل على اغنية (الحياة حلوة).
244) مصلاوي سأل مرتة إشطابختلنهة اليوم؟ گالت باگلله ودهن، گاللها حــــيل!! طبختين بفد وجبه؟
245) ديچ تحارش بدجاجه، ردت عليه بخشونه، گاللهه وعلى شنو إمتنگه؟ ذنيچ الدجاجات مصلخات بالمطاعم ومحد بحالهن.
246) الكراد سووا مظاهرة تضامن مع الفلسطينيين.......... لبّسوا واحد منهم شارون، وحرگوه.
247) واحد راح للصين فلمن رجع فتح گهوه سماهه:Fin-Jan-Chai 248) واحد حب يتذكر ايام الطفوله... بال على نفسه.
249) دليمي راح للصيدليه طلب كارتونين نيفيا، الصيدلاني گال له: إشدعوه هالكميه؟ گال له الدليمي: يمعود بس خادمك حمودي يتريگ باليوم باربع علب.
250) واحد باگ بطه من جيرانه.... ثاني يوم الصبح شافه جيرانه ... گال له:صباح الخير .... گال له يابطه؟
251) كردي اشتره حذاء , فگال له أبو المحل : تره أول تلثتيّام راح يزعجك بالمشي .. گام لبسه رابع يوم.
252) اثنين يچذبون واحد عاللاخ, الاول گال:دتشوف ذيچ النملة اللي فوگ الجبل ؟ الثاني گلله: ياهيّه منهن؟ المغمضة لو المفتحة؟
253)كردي بالنجف ..شاف جنازه ، فراد يگول: انتم السابقون ونحن اللاحقون، مادبّرهه، فگال (انت يروح وبعدين انا يجى)
) فد ولد واهسه بالبلاي ستيشن ، فلمّن مات أبوه كتب على گبرهGame Over 254)
255) كردي لگه واحد نايم ويه مرته بالسرير كال له:كاكه.. لا تغشك ، تره ماتحبل.
256) واحد گالوله: احلف راح كتل ابوه ورجع گال: وروح ابويه
257) ديچ معلگ بالصاله صورة بيضه كالوله: شنو هاي؟ كال: صورتي من جنت طفل
258) طفل لوتي گال له ابوه: ولك ليش المعلم كاتبلك حمار بالدفتر؟ گال: لا بابا هذا توقيعه
259) طبيب عيون شايل وردة بإيده ويحاچي حبيبته: شايفة الوردة هذى حياتى؟ گالتله أي حبيبي، گام حولها لايده الثانيه وكلهه: وهسه حياتي؟
260) نجفي دفان خلصت الحرب بعد ماكو جنايز هوايه، گلبه محل فواكه وكتب لافته (الموز حق)
261) واحد راح للدكتور قاله دكتور لما أحط ايدى على عينى ما أشوف شي.. راح الدكتور زرفله ايده.
262) ناصريه لگه حراميه يتقاسمون گال انطوني حصه وما ابلغ عنكم هالإسبوع.
263) كردي مرته جابت توم.. گلهه: تگلليلي منو أبو الثاني لو هسه أذبحچ؟
264) ام اربعه واربعين تزوجت ابو اربعه واربعين... گضوا ليلة الدخله كلها بس نزع قنادر.
265) فقير جوعان گال لواحد ناصريه أنطيني أي شي آكله جزاك الله خير.. گام إنطاه فاتح شهية.
266) دليمي اول مرة يركب سيارة ...اشتري فراري.. فتح الراديو گالت المذيعة هنا لندن .. گال أيباه...يلعن ابو السرعة.
267) چلب دايح بالشوارع شاف چلب بوليسي بباب مركز الشرطه..كال أيباه..بالله لو مخليني أهلي أكمل دراسه؟؟
268) دليمي راح للدكتور گال: دكتور.. انا كل مكان بجسمي أگيسه يعورني..كشف عليه الدكتور لگه اصبعه مكسور.
269) ديچ بلع حباية فياغرا كام يفتر بالشوارع ويدگدگ بالبيبان مال الناس يگول: ماكو دجاجة ..؟؟ حتى لو مجمدة؟؟
270) كردي بليلة الدخله ما عرف اشلون يبدى الكلام ويه عروسته گالها: اهلچ يدرون انتي تباتين عندنا اليوم؟
271) واحد ناصرية يرجم الشيطان وهو متلثم سألوه الناس ليش؟؟ گاللهم: يمكن أحتاجه فد يوم .
272) واحد يصلي بجماعه وچان أكو نسوان همينه يصلن.. المهم گال ولا الضالين ردو اااامين ..گال :أروح فدوه لهل الصوت
273) ناصريه دخل بالشته يبوگ فد بيت ، ما لگه شئ بس لگه عجوز أمگرمه وبردانه ومتلحفه باللحاف.. گام فتح المكيف عله أعلى درجه وطلع .
274) بدويه إستوها متعينه .. گالت لامها : يمه انا عندي دوره شهرين .... گالت لها امها: هذي مو دوره يا يمه هذا نزيف .
275) صرصر تزوج بكايه طلگها بعد اسبوع گالوله: ليش؟ گال: ذبحتني مص.
276) إمعيدي يغني على المسرح گاله الجمهور : مو هلكتنه ، جاوبهم ولايهمكم .... بعد هذي الأغنية.
277) واحد احول سألوه إشتتمنى ؟ گال : بنفسي اشوف واحد يمشي بوحده .
278) دليمي بيده موبايل ويصيح: دوري زين الله يخليچ ..فمر من يمه واحد إستغرب من صياحه فاخذ الموبيل منه لگاه يگول:الرقم غير موجود بالخدمة.. الرقم غير موجود بالخدمة..
279) إثنين أنذال تراهنو منو الأنذل من الثاني ، فراح الأول ضرب رجال چبير يمشي بالشارع وگال للثاني شفت ما أنذلني؟؟ فگال له الثاني: مو أنذل مني... لأن هذا الرجال أبويه.
280) واحد تزوج وبعد شهر سأله زميله: ها.. شسويت؟؟ گال: ماجيتها گال زميله: ليش؟؟ گال: ياأخي والله احراج... مو اخوها صديقي.
281) دليمي ضيع زوجته بالحج سالته الشرطه بيها علامه مميزه؟؟ گال إي..أمركبه لولب! .
282) مصري اشتغل بالسعوديه راعي غنم .. رجع لمصر سألوه أهله : كنت بتشتغل إيه .. گال : بافسح المعيز.
283) ناصريه أفرار عايش بغير مدينة تبرع لجيرانه بدم ... اليوم الثاني گام ذاك بلغ عليه .
284) ناصريه اشتغل بالدفاع المدني گام عبا خزانات الاطفاء بانزين بدال الماي .
285) شاعر بدوي محشش گال : أمس الضحى بالظهر فى الليل ونيت ....ونت مريضٍ مابه إلا الـــــعافيه......... وامس الصبح في العصر بالليل ضحكيت... ضحكة حزن فرحان من ضيق صدري.
286) شاعر يحب خدامة الجيران گال للبزون : يا هر يانايمن في وسط الاقذار ..... ماشفت خلي يوم ذب الزباله؟
287) طليان ثنين كاعدين.. الأول گال: ماااااااع.. الثاني گال سبحان الله هسة ردت اگولها..
288) واحد من المنصور تطوع للعسكريه سأله الضابط: شتگول اذا قابلت العدو ؟؟ گال أگوللهم: مأحبــــــــــكم.
289) واحد أمّه من الناصرية اخذ دبة الغاز يعبيها گاللها : إدعي لي يمّه، گالت : الله يفتحها بوجهك وليدي.
290) موبايل كردي مغلق : ان الرقم اللزي زربته ماموجود ممكين تدوق فد شيويه.
291) واحد محشش اتصل على ناس گال : هذا بيت سعد؟ قالوا لا .. .قال لهم : لعد ليش تردون.
292) عجوز تصلخت لواحد وگالت له شنو رايك بجسمي گال لها: زين ... بس ينرادله شوية كوي.
293) واحد ناصريه أتصل بيه جورج قرداحي ، گال له: معنا صديقك وصل نصف مليون ريال ومحتاج مساعدتك گال : گل له نايم.
294) صخله شافت طلي يبچي گالتله ليش تبچي؟ گالها راح يذبحوني گالتله: بعيد الشر... گال لا بعيد الاضحى.
295) واحد دايح ،صلى في جماعة بعد ما خلصت الصلاة گالولة ماشالله عليك قرايتك حلوة . گال لعد لو تسمعوني من أشرب شراح تگولون؟
296) كردي راح يعزي صديق بوفاة والده، سأله وين مكان الضربه بالمرحوم گال فوق عينه.. گال هم زين ماجت بعينه.
297) ناصريه فتح شركة بيبسي كتب عالبطل: رج القنينه جيداً قبل الاستعمال.
298) عجوز گاعدة ويه شايب بمطعم بالجادرية، گالت: احس بدفئ في صدري گللهه: اگول ؟؟....شيلي نهودچ من الشوربة.
299) محشش سأل مرته : عندچ طماطه وبصل وبتيته ودجاج ؟ گالت : اي عندي , گال: لعد سويلنه كيك.
300) سعدي الحلي أعلن التوبه، إجوّي يستفزوه، گالوله نحزرك حزوره فنك تعرفهه، شنو اللي يبدي بحرف (ط..) وينتهي بـ(..يز)؟ جاوبهم رأساً : طارق عزيز.
301) محشش كامش الدجاجه ويضرب بيها ويگول: يا بنت الكلب كل يوم بيض!! ماكو فد يوم جبن؟.. گيمر؟
302) محشش رجع للبيت متأخر ..مرته فتحتله الباب.. ضربها وگاللها وين ليهسه متأخره بت النعال؟
303) محشش يسوق تكسي .. أشّرت له بنيه ..وگف گال : وين تروحين؟ گالت: للشورجه گاللها: اوكي بس لتتأخرين.
304) محشش دخل محل گال لأبو المحل:عندك جگاير روثمن؟ گال له :لا.. راح للمحل اللي بصفـّه گال له: زين وإنته؟
305) حشاش ضرب صديقه راشدي، گال له: لك هذا صدگ لو شقه؟.. قال : لا صدگ.. گال إي عبالي.. لإن أني ما أتحمل الشقه.
306) طفل گال لمعلمته: تدرين ست شگد أني أحبچ..وبلكي أتزوجچ؟ فالمعلمه گالت :أي بس أني ما أحب الجهال.. رد عليها الطفل: مو مشكله ست .. ما راح نسوي جهال.
307) حشاش يحچي ويّه روحه:مدري مواعد وحده الساعه ثنين؟.. مدري مواعد ثنين الساعه وحده؟
308) حشاش گال لصاحبه:من أحشش بعد ما أعرف أشتغل.. لذلك بطلت..گال له صاحبه:أها...يعني حضرتك هسه عاطل عن العمل؟
309) حشاش مثقف گال لصاحبه:قل لي ماذا تقرأ..أقل لك من أنت...فگال صاحبه: ماذا تقرأ؟..رد عليه : من أنت؟
310) حشاش سأل أبو المخضر:عندك فاصوليه خضره؟ گال :لا والله خلصت گال: لعد شظل عندك يالون؟
311) قزم راد ينتحر چيّت من الرصيف.
312) قزم عطس ..طخ راسه بالگاع ومات.
313) دليمي بنه بيت مدوّر... گال لمرته:هم گولي بعد حابسني بين أربع حيطان؟
314) ثنين دليم يلعبون شطرنج.. الاول گال:هييييه.. كتلتك الحصان.. الثاني طلع شويه ورجع گال: وأني سممتلك الهوايش كلهن.
315) محشش راح للمطار يستقبل أبوه باس الجنطه وشال أبوه.
316) محشش عوّز .. دز إبنه يجيب عوازه.. أبنه انكمش بالطريق وأنحكم عشر سنين ..من طلع من السجن رجع للبيت تلگاه أبوه بالباب گال له: إبن الكلب وين صارلك ساعه ؟هوّه هنانه براس الشارع.
317) محشش بطياره نايم گال له اللي يمّه :يمعود الطياره راح تطيح..!! گال: وشنو يعني طيارة اللي خلفونا؟
318) متدين في قمّة الأدب يدگ باب الثلاجه قبل لايفتحها.
319) مات المتدين هذا.. فبالجنه حصل بيتين.. گام باع واحد وأجّر واحد، وسكن عد گرايبه بالنار.
320) عجوز هجموا عليهه حراميه راحت تدليهم على مكان الذهب والمجوهرات وهيه فرحانه، فلما باگوا كل شئ ورادوا يطلعون گالتلهم: وين ..؟ شنو ماكو إغتصاب؟؟
321) محشش يسوق سياره ..وگفه شرطي المرور گال له إجازتك؟..گلله: أي حشيش؟؟.
322) واحد راح يسرق بيت وحده سمينه حيل ..كمشته وگعدت عليه ... گالت لابنها: يمه محمود خابرلنا الشرطه.. الحرامي من يمه گام يصيح: عفيه بسرعه محموووووووود.
323) ابو بريص نايم بالمستشفى متكسر ، سألوه سلامات .. خو ماكو شي؟؟ گاللهم: والله كالعادة ..نعال.
324) صرصر راح يعزي بوفاة صرصر ..سأل أهله:شلون مات المرحوم؟ گالوا بذاك المرض اللعين...گال أيبااااه..هم بالشحاطه!!
325) صرصر بالأنعاش شاف صرصر لاخ جايبيه عالسديه گال له: ها أخي .. هم شحاطه؟..گال. لا والله بف باف.
326) دجاجة وديچ شافوا محل شاورمه دجاج.. گاللهه الديچ: شوفي!!.... هذا مصير اللي ماتسمع كلام زوجها.
327) دجاجه إنتحرت وكتبت على ورقه:خلّي( ماجي) ينفعكم..!!
328) طلي مغمّض ويصيح. ماع.. ماع.. گالوله ليش تغمض؟ گال حافظهه عالغيب.
329) زمال راد يغازل صاحبته گاللهه: شوكت تتزوجيني يازماله؟ گالتله:من تحسّن ألفاظك يا زمال!!
330) هايشه وگفت گدام المرايه وگالت:والله حرام كل هذا الجمال وياخذه ثور.
331) حيّه تبچي ..گالولها :ليش؟؟ گالت خمس سنوات إمخيله عله عربيد وبالأخير طلع صونده.
332) واحد متعاجز حيل..راح للحلاق وگعد على الكرسي منزّل راسه.. گله الحلاق: شعر لو لحيه؟ گال:لا لحيه..گلله:طيب شيل راسك شويه..گال:لعد سويهه شعر.
333) واحد يشتغل بالستلايتات..طلع أبنه من ابلأوائل گال : لا مع الأسف راح يشفروه ..
334) دليمي گال لمرته الحضريه: شراح ناكل اليوم؟؟ گالتله: مسويه رجيم گال اي والله ماضايگهه.
335) دليمي يم صاحبته دگ عليه الموبايل ..طلعت مرته.. گال عجيب شمدريهه أني هنا؟
336) دليمي گال لأبنه إذا نجحت هالسنه أشتريلك رولز رايز وإذا زمال مثل كل سنه أخليك على الـ بي أم 2000 مثل الكلب.
337) دليمي راح يحج شاف الناس تشمر حجار گال: أيّباااااااه ....... لهنا وصلت إسرائيل؟
338) دليمي گال لصاحبي :بالله شوف ألاشاره مال السياره تشتغل؟ فگال له صاحبه:إي .. لا.. إي.. لا.. إي.. لا .............
339) كردي دعم أثنين بسيارته واحد مات والثاني متكسر.. گام المتكسر يصيح.. گال له الكردي شبيك تصيّح أشو هذاك مات وكلشي ما گال.
340) كراد ثنين مساجين خططوا يقتلون الحارس ويهربون راحوا شافوا الحارس ماموجود رجعوا گالوا: خربت الخطه
341) حفره بسليمانيه كل اللي يوگع بيهه ينكسر..الملاّ گال أحفروا السليمانيه كلها بمستوى الحفره وخلصونا.